ឆ្នាំ២០២៥ គឺជាឆ្នាំដ៏ពិសេសរបស់អង្គការអេឌីឌីអន្តរជាតិប្រារព្ធខួប៤0ឆ្នាំរបស់យើង។
អស់រយៈពេល៤ទស្សវត្សមកហើយ យើងបានធ្វើការរួមគ្នា – ជាសហគមន៍សកលមួយដែលមានសកម្មជនមានពិការភាពជាច្រើនខិតខំប្រឹងប្រែងលើកម្ពស់យុត្តិធម៌សម្រាប់ជនមានពិការភាព និងអ្នកគាំទ្រដ៏មានឆន្ទៈ ដើម្បីលើកកម្ពស់សិទ្ធិជនមានពិការភាព និងបង្កើតពិភពលោកដែលមានបរិយាបន្នសម្រាប់ទាំងអស់គ្នា។
ដើម្បីអបអរសាទរ យើងចង់ដឹងពីដំណើររឿងដ៏អស្ចារ្យនៃចលនាយុត្តិធម៌សម្រាប់ពិការភាពជុំវិញពិភពលោក និងសម្លេងរបស់អ្នកទាំងអស់គ្នា។
ពីសកម្មជននៅទ្វីបអាស៊ី និងទ្វីបអាហ្រ្វិក រហូតដល់អ្នកគាំទ្រនៅចក្រភពអង់គ្លេស រឿងរ៉ាវ និងបទពិសោធន៍របស់អ្នកមានគឺមានសារៈសំខាន់ក្នុងការបង្ហាញសាច់រឿងរួមមួយ
យើងចង់ឮពីអ្នកទាំងអស់គ្នា។ អ្នកអាចប្រាប់យើងពីសាច់រឿងរបស់អ្នក ហើយពួកយើងរួមគ្នាដើម្បីអបអរសាទរចំពោះវឌ្ឍនភាពដែលយើងបានធ្វើ និងបន្តជំរុញសកម្មភាពសម្រាប់អនាគតយុត្តិធម៌ពិការភាព។
របៀបចូលរួម។.
- សូមចែករំលែកសាច់រឿងរបស់អ្នក៖ សូមឆ្លើយសំណួរមួយចំនួនដើម្បីរៀបរាប់ពីទំនាក់ទំនងរបស់អ្នកជាមួយចលនាយុត្តិធម៌ពិការភាព។ អ្នកអាចឆ្លើយតែសំណួរដែលអ្នកមានអារម្មណ៍មានផាសុខភាពក្នុងការចែករំលែកសាច់រឿងរបស់អ្នក។
- បង្ហោះរូបថត៖ សូមភ្ជាប់រូបថតជាមួយសាច់រឿងរបស់អ្នក។ វាអាចជារូបថតរបស់អ្នក សហគមន៍របស់អ្នក ឬរូបតំណាងអ្វីមួយ ដែលបង្កប់អត្ថន័យទាក់ទងទៅនឹងសាច់រឿងរបស់អ្នក។
ផ្តល់ការអនុញ្ញាតជាមុនសិន។
យើងគោរពភាពឯកជនរបស់អ្នកមុនចែករំលែកសាច់រឿងរបស់អ្នក។ យើងស្នើសុំឱ្យអ្នកអានលិខិតសុំការអនុញ្ញាតរបស់យើង និងពិនិត្យមើលថាអ្នករីករាយក្នុងការចែករំលែកសាច់រឿង និងរូបថតរបស់អ្នក។
អានទម្រង់សុំការអនុញ្ញាតរបស់យើង។
អង្គការអេឌីឌីអន្តរជាតិផលិតឯកសារផ្សព្វផ្សាយជាច្រើនដើម្បីឱ្យមនុស្សសិក្សាពីការងាររបស់យើង ហើយយើងចែករំលែកការផ្សព្វផ្សាយការងារទាំងនេះទៅមនុស្សទូទាំងពិភពលោក។ យើងចង់ចែករំលែកបទពិសោធន៍ផ្ទាល់របស់អ្នក តាមរយៈការផ្សព្វផ្សាយ ព្រោះវាជួយបង្ហាញពីការងារផ្សេងៗ ដែលយើងកំពុងធ្វើ។ តាមរយៈការបំពេញទម្រង់នេះមានន័យថាអ្នកបានផ្តល់ការអនុញ្ញាតឱ្យយើងប្រើប្រាស់ពត៌មានរយៈពេល៥ឆ្នាំខាងមុខ។
សុវត្ថិភាពរបស់អ្នក គឺជារឿងអាទិភាពរបស់យើង។ សូមពិចារណាពីហានិភ័យណាមួយចំពោះសុខុមាលភាពរបស់អ្នក ដែលអាចកើតឡើងពីការប្រើប្រាស់រូបភាព និងរឿងរបស់អ្នក ក្នុងការផ្សព្វផ្សាយជាសាធារណៈ។ នេះគឺជាការស្ម័គ្រចិត្ត។ អ្នកមានអារម្មណ៍ផាសុខភាពក្នុងចែករំលែកឬអត់ គឺជាការសម្រេចចិត្តរបស់អ្នកទាំងស្រុង។ ប្រសិនបើអ្នកចូលរួម អ្នកក៏អាចចង់ផ្លាស់ប្តូរចិត្ត បោះបង់បានគ្រប់ពេលវេលា។ ប្រសិនបើអ្នកសម្រេចចិត្តថា អ្នកមិនចង់ចែករំលែកសាច់រឿង អ្នកអាចផ្លាស់ប្តូរចិត្តបានគ្រប់ពេល ដោយទាក់ទងមកអ៊ីមែល៖communications@add.org.uk
តើសាច់រឿងរបស់ខ្ញុំនឹងចែករំលែកជាមួយអ្នកណា? អង្គការអេឌីឌីអន្តរជាតិចែករំលែកតាមរយៈសម្ភារៈអប់រំផ្សព្វផ្សាយជាមួយអ្នកគាំទ្រ អង្គការសប្បុរសធម៌ អ្នកផ្តល់សេវា និងអ្នកសម្រេចចិត្តផ្នែកគោលនយោបាយនៅតំបន់គោលដៅ ថ្នាក់តំបន់ ថ្នាក់ជាតិ និងអន្តរជាតិ។ អង្គការអេឌីឌីអន្តរជាតិមានទស្សនិកជនទូទាំងសកល ហើយយើងមិនអាចគ្រប់គ្រងបានទាំងស្រុងចំពោះអ្នកដែលអាចមើលឃើញការផ្សព្វផ្សាយរបស់យើងនោះទេ។ សូមពិចារណាអំពីហានិភ័យណាមួយចំនួនចំពោះសុវត្ថិភាពរបស់អ្នក។ ខ្លឹមសារដែលយើងប្រមូល នឹងត្រូវរក្សាទុកដោយសុវត្ថិភាពមានតែបុគ្គលិកអង្គការអេឌីឌីអន្តរជាតិដែលត្រូវបានអនុញ្ញាតឱ្យចូលប្រើប្រាស់វាបាន។ ឯកសារទាំងអស់នឹងត្រូវដាក់លេខកូដ និងរក្សាទុកដោយឡែកពីឈ្មោះឬសម្គាល់អត្តសញ្ញាណផ្ទាល់សម្រាប់អ្នក។ យើងនឹងរក្សាទុកទិន្នន័យរបស់អ្នករយៈពេល៥ឆ្នាំ។